پشاور۔25مئی (اے پی پی):وفاقی وزیر اطلاعات و نشریات مریم اورنگزیب آکھیے شرپسنداں اتے مسلح جتھیں ریڈیو پا??ست??ن پشاور دی عمارت تے مکمل منصوبہ بندی نال حملہ کیتے، ساݙی قیمتی آرکائیو کوں ساڑیا ڳئے جیں دا ازالہ ممکن کائنی ، شرپسنداں اتے مسلح جتھیں نال کہیں قسم دی رعایت نہ کیتی ویسی ۔ اے ڳالھ انہاں وزیراعظم شہباز شریف دے دورہ ریڈیو پا??ست??ن پشاور دے موقع تے تقریب توں خطاب کریندے ہوئیں آکھی اے ?? ایں موقع تے گورنر خیبر پختونخوا، وفاقی و صوبائی وزرا، مسلم لیگ (ن) دے سیکریٹری اطلاعات، ضلعی انتظامیہ ??ے افسران، ڈائریکٹر جنرل ریڈیو اتے ٻئے موجود ہن ۔ وفاقی وزیر اطلاعات آکھیے 2014ءاچ جیویں انہاں لوکاں پی ٹی وی تے حملہ کیتا ہئی ?? ایویں مکمل منصوبہ بندی نال 9 مئی کوں ریڈیو پا??ست??ن پشاور دی عمارت تے حملہ کیتے، 9 مئی کوں گارڈز اتے عملے شرپسنداں کوں روکݨ دی پوری کوشش کیتی لیکن 10 مئی کوں اے شرپسند اتے مسلح جتھے مکمل منصوبہ بندی نال ول ریڈیو پا??ست??ن دی عمارت تے حملہ آور تھئے، انہاں کنے ݙنڈے تے پٹرول ہئی ، ضلعی انتظامیہ ??تے ریڈیو پا??ست??ن دے عملے عمارت کوں بچاوݨ دی ٻہوں کوشش کیت?? ایں دوران عملے دے ٻہوں سارے لوک شدید زخمی تھئے۔ واقعہ د?? ایف آئی آر و?? ایں ݙینھ درج کیتی ڳئی ۔ وفاقی وزیر اطلاعات آکھیے اے عمارت وی ول بݨ ویسی ٹرانسمیٹرز وی لڳ ویسن لیکن ساݙی تاریخی آرکائیو کوں ساڑ ݙتا ڳئے جیں دا ازالہ ممکن کائنی۔ انہاں آکھیے پی ٹی وی تے حملے دے بعد اساں آرکائیو کوں ڈیجیٹل کر ݙتا ہئی ?? ایہو پراسیس ریڈیو پا??ست??ن اچ وی جاری ہئی ۔ انہاں آکھیے ایہو جیہے مجرماں تے مسلح جتھیں نال کہیں قسم دی رعایت نہ کیتی ویسی جے اے سمجھدن جو سیاسی احتجاج دا لبادہ پاتے او ایں جرم توں بری الذمہ تھی ویسن تاں ایویں ممکن کائنی ، 9 مئی ول نی دوہرائی ونڄ سڳدی ، مجرماں کوں سخت توں سخت سزا ݙتی ویسی ۔ ایندے توں پہلے ڈائریکٹر جنرل ریڈیو پا??ست??ن طاہر حسن ریڈیو پا??ست??ن پشاور دی عمارت، ریکارڈ اتے نشریات کوں تھیوݨ آلے ضیان تے بحالی دے کماں متعلق بریفنگ ݙتی۔ انہاں ݙسایا جو برصغیر اچ ریڈیو دا سفر 1927ءاچ شروع تھیا 1935ءاچ خیبر پختونخوا اچ ریڈیو دا پہلا ٹرانسمیٹر لاتا ڳیا ، 1947ءاچ ایں ریڈیو پا??ست??ن دے وجود اچ آوݨ دا اعلان کیتا ۔ ریڈیو پا??ست??ن دہشت گردی دے خلاف جنگ سودھے افغان وار اچ وی آپݨی خدمات انجام ݙتیاں، ریڈیو پا??ست??ن ایں ویلھے 23 مقامی اتے 11 عالمی زباناں اچ آپݨی نشریات پیش کریندا پئے۔ انہاں آکھیے ساݙے ایں تاریخی ورثے کوں صرف چھی گھنٹے اچ ساڑ تے ختم کرݙتا ڳیا ، ساݙے ٹرانسمیٹرز ساڑیے ڳئن۔ 9 مئی کوں چاغی دی یادگار کوں ساڑیا ڳئے ?? ایں توں اڳلے ݙینھ 10 مئی کوں مکمل منصوبہ بندی نال اے لوک اتھاں آئے تے عمارت کوں بھاہ لاتی تے لٹ مار کیتی ، ساݙے عملے کوں وی زخمی کیتا ۔ ریڈیو پا??ست??ن ضلعی انتظامیہ، پاک فوج نال رل تے 26 گھنٹے اچ اپݨی نشریات کوں بحال کیتا۔ انہاں آکھیے پا??ست??ن دے عوام اتے حکومت ہر سطح تے جیویں طرح ریڈیو پا??ست??ن دا ساتھ ݙتا ، ہمیشہ یاد رکھیا ویسی ۔
