د سپيكر اسد قېصر د كورونا په ضد په اولني صف كښې جنګ كوؤنكو طبيبانو او پېرا مېډيكل عملې ته د عقيدت پېرزوينې

اسلام آباد ۔ 5 اپرېل (اے پی پی) د قومي اسمبلۍ سپيكر اسد قېصر د كورونا په ضد په اولني صف كښې جنګ كوؤنكو طبيبانو او پېرا مېډيكل عملې ته د عقيدت پېرزوينې وړاندې كولو سره وئيلي دي طبيبان او پېرا مېډیکل عمله د قوم او هېواد ريښتني اتلان دي۔ د اتوار په ورځ خپل بيان كښې ده ووئيل د كورونا وائرس رنځورانو سره د مامور طبيبانو او پېرا مېډيكل عملې خذمات به تل له ياد ساتلې شي۔ ده ووئيل ډاكټر اسامه د نورو ژوند بچ كولو په مهال شهيد شوې دې۔ قام به د ده دا ځانګړې قرباني چرې هېره نه كړي۔ ده ووئيل بهر هېوادونو كښې مېشته پاكستاني طبيبان هم زمونږ قيمتي اثاثه ده كوم چې دا مهال بېلو هېوادونو كښې د كورونا رنځورانو خذمت كوي۔ ده ووئيل حكومت د طبيبانو او پېرا مېډيكل عملې له د حفاظتي كټس رسنه باوري كولو له ګامونه پورته كوي۔ د ټول قام دعاګانې دوئي سره دي۔ ده ووئيل په كورونا وباﺀ قابو موندلو له به ټولو ادارو او سياسي ګوندونو له يو موټې كېدل وي۔ ده ووئيل په احتياطي تدبيرونو عمل كولو سره مونږ دې وباﺀ څخه ځان او نور بچ كولې شؤ۔ ده اولس ته خواست وكړو چې كورونو كښې پاتې شي٬ سماجي فاصله وساتي او د روغتيا څانګې لخوا په وركړې شويو هداياتو عمل وكړي۔ ده دعا وكړه چې لوئے څښتن دے زر تر زره مونږ دې وباﺀ څخه خلاص كړي

مضمون کا ماخذ : میگا ملینز

متعلقہ مضامین