اسلام آباد۔30اگست(اے پی پی) وزیراعظم محمد شہباز شریف آکھیے زرعی ترقی، برآمدات اچ ودھارے ، مقامی صنعت دے ودھارے ، نینگراں کوں فنی مہارت تے روزگار ݙیوݨ سانڳے پ??ج سالہ معاشی پلان ترتیب ݙتا ویندا پئے ، ھک مٹھ تھی تے وختی پاکستان کوں آپݨے پیراں تے کھڑاں کریسوں ، پاکستان معاشی طاقت بݨسی، او وفاقی کابینہ دے اجلاس توں خطاب کریندے پئے ہن ۔ وزیراعظم محمد شہباز شریف کابینہ ارکان دا خیر مقدم کریندے آکھیے گزریل ݙینھ کوئٹہ دا دورہ کیتے جتھاں شہداء دے لواحقین نال تعزیت کیتی، انہاں دا حوصلہ ٻہوں اچا ہئی ، اتھاں26 اگست کوں جیڑھا ماحول بݨایا ڳئے ا??ں دا مقصد ہئی جو اے ݙسایا ونڄے جو اتھاں کوئی علیحدگی دی تحریک چلدی پئی اے ا??ں ݙینھ جیڑھا کجھ تھیا او دہشت گردی دی انتہا ہئی جیں دی جتنی مذمت کیتی ونڄے گھٹ اے دورے اچ اتھاں کور کمانڈر کوئٹہ دی طرفوں دہشت گردی اتے موجودہ صورتحال تے بریفنگ ݙتی ڳئی جو کیویں دہشت گرد اتے خارجی عناصر ٻاہرلی مدد نال رل تے نفرت دے بج رہیندے پئن، اتھاں وزیر اعلیٰ سرفراز بگٹی دی قیادت اچ سویلین حکومت بلوچستان دی تعمیر و ترقی اتے نینگراں سانڳے بہترین پروگرام گھن تے چلدی پئی اے جیڑھا جو ٻہوں چنڳی ڳالھ اے ، پاک فوج دہشت گرداں دا پیچھا کریندی پئی اے ، وفاقی اتے صوبائی حکومتاں ایندے رلے کھڑن ، انھاں آکھیے دورے اچ لیویز کوں جدید آلات ݙیوݨ تے ڳالھ مہاڑ تھئی ، انہاں کوں جدید آلات ݙیوݨ سانڳے صوبائی حکومت دی ہر ممکن مدد کریسوں وزیراعظم آکھیے دورے ا?? سیاسی جماعتاں دے اڳواݨاں نال وی ملاقات تھئی او سارے محب وطن اتے بلوچستان دی تعمیر و ترقی چاہندن ، انھاں دے جائز مشورے سݨئن انہاں تے عمل کریسوں ، دہشت گرداں تے پاکستان مخالفاں نال ڳالھ مہاڑ دا سوال ہی نی بݨدا تاں جو نینگراں کوں مختلف بیانیے نال گمراہ کیتا ویندے انھاں کوں قومی دھارے اچ گھن آوݨ سانڳے ہرممکن اقدامات چاتے ویسن ، بلوچستان دے نینگراں سانڳے چائنہ اچ سکالرشپس سودھے لیپ ٹاپ اتے ٻئے پروگراماں اچ انھاں کوں باقی ملک دے نوجواناں توں 10 فیصد زیادہ کوٹہ ݙتا ویندا پئے ، بلوچستان اچ ٹیوب ویلاں کوں سولر تے منتقل کرݨ سانڳے 55 ارب روپے ݙتن، سی پیک توں بلوچستان دے لوک فیدہ چیندے پئن چین ساݙا پکا یار اے ، چینیاں دے خلاف دہشت گردی ایں یاری کوں خراب کرݨ تے سی پیک دے ذریعے عوامی ترقی دے رستے اچ رکاوٹ پاوݨ دے مترادف ا??۔ بلوچستان دے وزیراعلیٰ نال رل تے وفاقی حکومت ہر ممکن اقدامات چیسی، دشمنان پاکستان کوں قانون نافذ کرݨ آلے ادارے تے سیکورٹی فورسز نال رل تے مقام عبرت بݨیسوں ، ایندے بغیر ترقی و خوشحالی دا سفر اڳوں نی ودھ سڳدا ۔ وزیراعظم آکھیے موڈیز پاکستان دی ریٹنگ اچ بہتری دا اعلان کیتے جیڑھا جو پاکستان دی معاشی صورتحال دی بہتری دا اعتراف اے ا?? لمبا سفر اے ا??ں تے عزم نال چلݨا ہوسی پاکستان دی ترقی دے سفر تے حکومتاں تے قوم ھک مٹھ اے ۔ وزیراعظم آکھیے حکومت ھک معاشی پلان ترتیب ݙتے جیں تے تکھے کم تھیندا پئے جیڑھا وختی قوم دے سامݨے گھن آسوں ، ایں پ??ج سالہ منصوبے دے ا??داف اچ زرعی ترقی، برآمدات اچ ودھارا ، مقامی صنعت کوں ودھارا نینگراں کوں فنی مہارت تے روزگار ݙیوݨ شامل اے ۔ وزیراعظم آکھیے اساکوں محنت نال اڳوں ودھݨا اے اوکھ دا مقابلہ عزم نال کرݨ آلیاں قوماں دا کوئی رستہ نی روک سڳدا ،محنت تے اتحاد نال پاکستان آپݨے پیراں تے کھڑا تے معاشی طاقت بݨسی
