قامي سلامتيا لپاره د وزيراعظم خاص سلاحكار معيد يوسف ميډيا ته بريفنګ

اسلام آباد 14 اپرېل (اے پي پي) قامي سلامتيا لپاره د وزيراعظم خاص سلاحكار معيد يوسف وئيلي دي د كرونا وائرس د زياتې شوې وباء له امله 35 زره نه زيات پاكستانيان په بېلا بېلو هېوادونو كښې ايسار دي٬ ګلف هېوادونو كښې د روزګار وېزې ميعاد ختمېدو٬ د خوشې كړې شوو بنديانانو٬ عمره له تلوونكې وګړي په ترجيحي بنيادونو پاكستان ته رارسولو لپاره ٨ نړيوال هوائي مېدانونه پرانستلې شوي٬ مونږ هڅه كوٶ چې په اوونۍ كښې د شپږو نه تر اؤه زره ايسار پاكستانيان بېرته راولو٬ په دې په بيړه كار روان دے٬ د روژې نه وړاندې به په افغانستان كښې موجود شپږو زرو نه زيات پاكستانيان بېرته راوستلو لپاره طورخم او په چمن پوله د ټېسټنګ او قرنطينه سهولت وركولې شي۔ ده دا خبرې د قامي رابطه كمېټۍ (اېن سي سي) د غونډې نه پس وزيراعظم افس كښې ميډيا ته د بريفنګ په مهال وكړې۔ وزيراعظم د قامي رابطه كېمټۍ نه پس كابينې غړو سره په اېن سي سي كښې د شوو پرېكړو نه خبر كړې شو۔ معيد يوسف ووئيل مونږ احساس لرو بهر هېواد كښې پاكستانيان ستونزو سره مخ دي او زر تر زره هېواد ته راستنېدل غواړي٬ كوم صبر سره چې دغې پاكستايانو راستنېدو لپاره انتظار كړې ھغه د ستائنې وړ دے۔ ده ووئيل د كرونا وائرس له امله په 21 مارچ فضائي حدود بند كړې شوي وٶ او د دې نه پس زمونږ مقصد دا ٶ چې صوبو سره په ګډه اېس او پيز جوړ كړې شي چې بهر هېوادونو څخه د راستنېدونكو وګړو ټېسټ او په قرطينه كښې د ايسارولو پشمول په اېس او پيز عمل وكړې شي۔ ده ووئيل زمونږ د شمېرو له مخې بهر هېوادونو كښې د 35 زره نه زيات پاكستانيان ايسار دي كوم چې بېرته راتلل غٶاړي او كوم به چې ډېر زر هېواد ته راورسولې شي۔ ده ووئيل مزدور طبقه د كومو چې په ګلف كښې نوكرۍ په ختمېدو دي د ټولو نه وړاندې به دوي بېرته رارسولې شي او د دې نه پس به خوشې كړي بنديوانان پاكستانيان ٬ عمره كوٶنكي او ھغه پاكستانيان چې ويزه ئې ختم ده مرحله وار بېرته رارسولې شي۔ معيد يوسف ووئيل د روژې نه وړاندې به په افغانستان كښې موجود شپږ زره نه زيات پاكستانيان بېرته راوستلو لپاره طورخم او په چمن پوله د ټېسټنګ او قرنطينه سهولت وركولې شي دغسې چې زر تر زره پاكستانيان بېرته راشي۔ ده ووئيل د ايران پولې سره زمونږ پنځو ضلعو له د ايران څيزونو مخنيوي كوو او د پاكستانو څيزونو وركړې باوري كوٶ۔

مضمون کا ماخذ : کمپیوٹر لاٹری

متعلقہ مضامین